Luis Seoane
Fillo de inmigrantes galegos, naceu en Buenos
Aires en 1910. A súa familia regresou a Galicia aos poucos anos e en Santiago
de Compostela licenciouse en Dereito iniciando tamén a súa carreira artística.
Membro do Partido Galeguista, participou na campaña a favor do Estatuto de
Autonomía para Galicia. Co estalido da Guerra Civil española exiliouse a Buenos
Aires, cidade na que desenvolveu a súa arte facendo ilustracións para diarios,
revistas, libros, discos, carteis, ou ben realizando obxectos cerámicos,
pinturas e murais, entre outras actividades. Tamén cultivou a literatura e foi
promotor de importantes empresas culturais, tanto de Arxentina como de Galicia,
xa que nunca abandonou a participación activa na recuperación da cultura
galega, cunha adhesión por Galicia que tamén se reflicte nos personaxes,
paisaxes e simboloxía da súa obra. Nas últimas décadas da súa vida alternou a
súa residencia entre as dúas beiras do Atlántico, culminando en Galicia o seu
labor coa creación xunto a Díaz Pardo das cerámicas Sargadelos. Morreu en 1979
na Coruña.
A súa obra sempre permanecerá viva,
A súa obra sempre permanecerá viva,
